大齌期操練分享 – Gary助導 (Part 4)

 

29571258_810639202461039_5822446823866338497_n 29594506_810639242461035_6170806133265989535_n 29542324_810639219127704_522369653286114214_n 29594627_810639259127700_2345171270245147148_n

(馬太小組參與受苦週的晨更)

大齋期第三週第25日操練(20180328)

今日的晨更真係好感動,因為今日係耶穌受鞭打及背十架,好多時自己當面對困難時,當有人同我講返耶穌受苦時情況,耶穌就成為我生命中的同行,激勵。

今日的靈修都有好多得著,究竟平時有幾去實踐上帝的道呢?「只是你們不常有我」,其實猶大話點解要浪費三十塊錢,而耶穌便道出他的私心,自己都有所反思,平時有無講啲冠冕堂皇的藉口以此去修飾自己私心又或是逃避某些東西(那即是屬靈借口),以前會借做助導為借口而逃避去返長工的借口,逃避承擔家庭責任,感謝上帝比我引導者,使我可以有改變。

—————————————————————————————————————————————————————————

大齋期第四週第24日操練(20180327)

今日返咗第二日晨更,由於昨天晨更有釣魚,所以今早便飲下一罐咖啡先,同埋係開始前便先想想今早苦路3-4站的事先,就好似攤開囇自己的老本,睇下有咩係自己記得的。又真係幾深刻喔,特別係牧者係大祭司角度提問,使自己去反省自己」有什麼阻擋自己看不見這是神的兒子」。

另外,今日完了晨更便回家,原本打算執房,但見到凌亂的房間就卻步了,比咗藉口自己抖下先再執。當起身想再執時,又被自己想彈琴阻擋了,這樣,一天就白白地浪費了,雖然真係訓多咗,休息夠了,但就覺得無意義。當夜晚靈修時又再提醒自己信係要順從,順從係要有行動。真係後悔無好好珍惜光陰。

—————————————————————————————————————————————————————————

大齋期第四週第23日操練(20180326)

今日早上要返晨更,而我都未有好好為今早的晨更而早訓,本身自己心都有搵藉口比自己「做操練做遲咗姐,今日聚會咁忙,又夜返屋企,夜訓好正常吖」。。。真的有太多這些聲音,想不到大齋期到呢一刻,都仲係有咁多聲音,人性真係無所不用其極,有咩都可以賴。更加看清楚自己點。

今日靈修問耶穌是誰,且提醒我今日究竟信耶穌係為乜,背後的動機係點。今天有同工又再提醒我係一個咩人,我係個容易受人影響的人,可能我真係自己都唔知,我自己當下覺得自己係個無乜所謂且無目標,經過同工提醒,再加上呢個靈修提醒自己不能做個懶懶閒的人,要做到有目標的人。

123 total views, 1 views today

發表迴響