大齌期操練分享 – Gary助導 (Part 3)

 

大齋期第四週第22日(20180324)

今日要返去崇拜音響時,出門口太急就忘記了帶回收水樽,之後就有點係度想,最後就真係無拎水樽。而因為呢件事反省到自己對事情的著重的心,究竟係有無擺上心呢?且自己時間觀念咁差,成日遟到或啱啱先到,而今日更加遲到了。為此我自己要向音響道歉。同時都覺得身為一個助導更加要如此做。

另外今晚靈修分享「謙卑是從失敗經驗中學習得來的。」我自己過往都不斷提醒自己生命要謙卑,無奈每次去到自己強項就心生驕傲,目中無人。之次都多次跌得好應,今晚同工相聚又講到同下camp,我又心生驕傲,覺得自己體能比他們強,自然就會他們比下去,而今晚又好回應,真係要多多反省。

—————————————————————————————————————————————————————————

大齋期第三週第19日(20180322 )

今日要對住空閒的日子,對我嚟講,係一個挑戰,因為真係會無所事事,而今早返咗局因爲咁啱有小學生來參觀而帶隊老師係相熟的。所以又好想去睇下有咩可以幫手。之後,好突然地有師兄弟搵我,之後就去下白泥遊車河,因為係同門師兄弟,又發現無乜點去關心過佢,有個咁機會佢搵我,而我又得閒,事就成了,的確,我喺要去做的事上無做,那就是無愛了。

另外今日係靈修上提醒,「基督卻示範了徹底順從天父的一生,就是忘記 自己,只看到神的計劃,並甘願付上自己的一生來回應。」今日自己就算做操練上仍太多「我」,且縱容自己軟弱,為何不能生命堅強?為什麼不祈禱?為什麼要不交托?當不這樣做,就是生命中仍有不信靠神的地方,求主幫助我學習如何交托。

—————————————————————————————————————————————————————————

大齋期第17日(20180320)

今日所面對的試探的確主要係對食的引誘及自己有無盡力為五餅二魚運動而努力做好,今早其實因記念住五餅二魚運動而減少了食一個餸,節省了金錢,而係中午的時候就比自己飲咗支汽水,但其實那並不是必須品,而晚上亦沒有因此而吸收教訓,所以有所反省,當想上帝的事工時,心係會好屬靈,但一遠離神,人性就會出現。所以想起導師講過「上帝唔使搞你,只要唔理你,你就會被KO」。的確,「正說愛祢,頃刻間羞辱祢」,所以人怎能無上帝。因為咁,我今日起要讀經,為的是親近神,撇掉自我。

另外,今日的靈修得著總是好深刻,誰願為大,但上主的提醒係班門徒係不知道所求的是什麼。生命好容易被世界的物質掠奪,唯有尋求神才知道這生命的意義。

—————————————————————————————————————————————————————————

大齋期第16日操練(20180319)

今日的操練都係夜晚去做,而當中有一個好不情願的心去到會堅持做的心,今晚都真係好想hea靈,hea祈,又hea去分享,但今日的節日真係好豐富,所以就好想去分享。原來一想分享就會激發到自己去做操練,而我都發現自己越接近大齋期,越來越多聲音叫我放縱自己,講真我都好想,因為人性的我的確會如此,但慢慢感受到牧者所講靈性主導,真係有掙扎,今年到現時,真係喺操練上好掙扎。每天都容易受引誘。

今日靈修都有深刻反思,牧者分享如何才算寬恕/容人,當人用神的角度睇返自己點樣對待神,就會有所反思到如同對人。今日對家姐及爸爸都有講錯了話,當中亦反省自己係對待家人上欠缺愛心,常常覺得係「老鳳」,但忽略家人背後對自己那份愛。

來緊大齋期要有所改變自己,努力實踐愛神與愛人。

—————————————————————————————————————————————————————————

大齋期第15日操練(20180318)

今日「在前的將要在後,在後的將要在前」,好深刻牧者分享,在前的要堅持,才有機會在承受那無可逃避的逼迫中,在來世得到永生的福氣。有一段時間嘅牧養,都陷入左一個不前進的狀態,有時候都會懷疑自己究竟係唔係仍然適合留係少年團,皆因好留意自己年紀越來越大,同少年人都開始有啲隔膜。但今晚靈修都提醒自己,其實係自己唔願意向前行多一步,使上帝不能夠係自己身上有所作為,其實有段經文可以激勵到自己「誰能控告神所揀選的人呢?有神稱他們為義了 。羅馬書‬ ‭8:33‬ ‭」 呢段經文提醒自己,過去比撒但講到自己唔適合留係少年團。但主要原因係自己!而今日好深刻經歷幾件事,第一係發現自己透過牧養少年人使自己更學習咩叫承擔,第二就係少年人真係好需要信仰,但他們真係唔知點先係信仰,好希望可以擺上自己帶他們到上帝面前。

另外,今日已經完成一日三餐操練。但心仍然覺得不能如此而大洗費,因為都係大齋期緣故,要降低生活水平。而今日操練去到一個點,祈禱都祈曬所有代禱事項,好似祈來祈去都係嗰啲,但仍提醒自己要堅持,有時祈禱都真係會咁,但要睇返自己有無擺個心落去,上帝係睇人心,而不是睇有無做。

今晚深刻的良水反省,係當自己想做操練時,心裏有個「律」,想hea做,同埋容易分心,睇來要再多點安靜多點及要係早上靈修,要對罪性敏感。

120 total views, 1 views today

發表迴響