大齌期操練分享 – Gary助導 (Part 2)

大齋期第十三天操練(20180316)

首先,今日好夜做操練,早上出咗去搞部車的文件。整日都與車有關。而今日操練上都有失腳,因為中午飲咗支檸檬茶,因此而計了一餐,隔咗一陣,又食咗2個包,所以今日就係一日三餐失腳了,其實當中都好想安慰自己,心裡有聲音「其實都無嘢吖,其他人飲嘢都無計啦,你飲支嘢姐,咁樣唔算一餐吖。」本身自己真係超想去咁做,但之後又想起自己當初點定義就點定,無得妥協,上帝亦唔會喜悅。之後就決定要分享返出來,作自己的一個提醒。亦可以提返自己要認真。

另外係打分享上,我自己都係昨日無分享到,只因昨晚比藉口自己,話今日再打返啦,點知一整日搞搞下都打唔返,只打到了一部分。當今日咁夜做操練時,又極想明天先打返分享,但昨晚已經打唔曬,若今日又再咁樣,可能重覆做不到。倒不如盡力做返好先。

—————————————————————————————————————————————————————————

大齋期第十一天操練(20180314)

今日的靈修好深刻,因為係講面對困難時的點樣面對,而當中牧者的分享係向神訴說係一個整理內心及療傷的過程,在神面前安靜禱告,以致能看清自己的生命真相。

嘩,真係要有信仰經歷先感受係點嘅一回事,真係要苦難,先會擺上自己比上帝,而當中係要學習的係落地信仰,不是只講要點信神,而係當中講到自己無七情六慾,裝作剛強、強忍眼淚,其實上帝會知道我哋的軟弱,有啲咩事都可以敞開自己向神傾訴。而今個大齋期,其實我當面對住自己想食零食,同埋我自己想唔做操練時,我祈禱向神承認自己軟弱並求神幫助。而今日差少少就做唔到一日三餐,返工時差少少就食咗塊燒肉,之後與同事分享了自己點解做這操練的原因,亦好多謝同事的包容,使我可以完成操練

—————————————————————————————————————————————————————————

大齋期第十天操練(20180313)

今日靈修帶來與弟兄姊妹關係反省,思想問題係「會否排拒『不跟從我們』的人」,而當然自己會想係不會。但轉一轉字眼,就係「會否抗拒與自己不夾的人建立」,咁就令我有所停沚。因為想起與身邊同工的關係,回想現在,與自己存在觀點不同的人,我不會排他,但也不會主動去建立,若非一齊事奉,都會比較少去主動建立,就好似只為事工而生的,非真同行的同工。回想3年前與小組同工建立,當時都好有熱心彼此同行建立,而轉了新同工後,自己都少了去建立,今日反思,要改變自己被動,主動去與同工同行。想起段經文。
「看哪,弟兄和睦同居 是何等地善,何等地美!‭‭詩篇‬ ‭133:1‬ ‭」

另外今日做操練好好,因為有男同工的同行,可以一齊為家祈禱,分享以及做埋職場分享添。因為有彼此同行,所以覺得操練變得很有意思。

而呢幾日可能真係習慣自己節制,只食3餐,所以都好有儆醒的心。雖然仍有那想食嘢的慾望。但比前上星期,今星期都已經頂得順

—————————————————————————————————————————————————————————

大齋期第九天操練(20180312)

今日返工前靈咗修先,因為昨晚太夜靈修,以致個質素好差,所以今日特別需要個安靜時間去先把一整天交給神,只不過怕自己好快忘記係下午又再睇返多次經文。而今日講「忘恩」,其實過去的呢幾年,我發現自己好多事情都好容易忘記,若不記下便會好容易忘卻,而今日正正提醒我要記低上帝恩,我被上帝看顧的。若我不常感恩,那麼我就會變得不滿足,不斷用物質充斥著自己。不禁想起首歌「再說一聲」
『在我生命中深深的感到祢的愛,神慈愛使春風吹來』,上帝的愛與我同行,來緊除了操練自己所做的,都要多作感恩。

—————————————————————————————————————————————————————————

大齋期第八天操練(20180311)

今日返崇拜提到大齋期要堅持,而當中又再一次提醒以靈性主導人生。又再次提醒自己做操練目的為何,為自己?為得人讚?為節期?非也,只為一件事,便是更親近神。回想過去一週,操練的確真係可以親近神,而自己都被操練感動了不少。

今日操練時,有同工提醒,今日做操練,要一餐不超過$35,這操練究竟要如何定義呢?究竟係計到盡定係為了禁限自己的慾望呢?係呢個大齋期真係會容易校錯焦點,非常感謝同工的提醒,令我係大齋期又再次被提醒,什麼才是大齋期意義。亦都好感謝城操練,使我可以對付慾望。今個星期要更加努力,因為會知道自己下一刻肉體軟弱,所以要快點做好預防措拖,好使自己能夠做到操練。
「我們若果顛狂,是為神;若果謹守,是為你們。」‭‭哥林多後書‬ 5:13‭

而五餅二魚代禱中得著,係縱然傳福音會帶來生命威脅,但宣教士仍然去傳,亦見到上帝係會祝福他,為他開路,今日自己如何面對傳福音呢,都要努力同身邊的分享自己的信仰,不能再被動。

126 total views, 1 views today

發表迴響